گاڤ

تیما ئێمناهیێ یا تایبه‌ت یا سه‌رۆكێ ئۆكراینا رێك نه‌دا وى پارچه‌یه‌كا شوكولاتایێ بخۆت كو ژ لایێ كه‌سه‌كێ بریتانی ڤه‌ بۆ هاتبوو‌ پێشكێشكرن.
رۆژنامه‌یا The Telegraph یا بریتانى ئه‌ڤرۆ دوشه‌مبیێ د ڤى ده‌رباره‌ى دا به‌لاڤكریه‌؛ بێر گرێلز، ئه‌دڤێنچره‌رێ بریتانى یێ ناڤدار، ده‌مێ ل هه‌یڤا بۆرى ڤولودیمیر زێلێنسكێ سه‌رۆكێ ئۆكراینا دیتى، وى پارچه‌یه‌كا شوكولاتایێ پێشكێشى وى كربوو.
رۆژنامه‌یێ ئاشكرا ژى كر كو تیما ئێمناهیێ یا تایبه‌ت یا سه‌رۆكێ ئۆكراینا، ژ ترسێن وێ چه‌ندێ دا كو ئه‌و پارچه‌یا شوكولاتایێ یا ژه‌هركرى بیت، رێك نه‌دا زێلێسنكى وێ بخۆت.
گرێلز یێ 48 سالى ل دۆر ڤێ چه‌ندێ گۆت "ئه‌ز د ئه‌گه‌رى گه‌هشتم، من ژ به‌رى نوكه‌ ژى ده‌مێ دیدارێ ل گه‌ل هنده‌ك سه‌رۆكێن دى، دیاریێن خوارنێ پێشكێشى وان كرینه‌".
ئه‌دڤێنچره‌رێ بریتانى ل دۆر كه‌سایه‌تیا زێلێنسكى گۆت "ئه‌و خۆ مه‌زن ناكه‌ت و هه‌رده‌م یێ ب ئاگه‌هه‌".
زێده‌ ژى كر: من پرسیار ژ ئۆكراینیان ل دۆر بۆچوونا وان سه‌باره‌ت زێلێنسكى كر، من هه‌ستپێكر كو ئۆكراینى هه‌مى ل پشتا وى نه‌.