بایدنى بۆچوونه‌كا جودا ژ یا ماسكى ل دۆر ژیریا ده‌ستكرد هه‌یه
بەلاڤ بکە
گاڤ
پشتى هوشداریێن خۆدانێ تۆرا تویته‌رى و كۆمپانیا تێسلا ژ مه‌ترسیێن ئالاڤێن ژیریا ده‌ستكرد، سه‌رۆكێ ئه‌مریكا بۆچوونه‌كا جودا ده‌ربڕى.
ئاژانسان ژ جۆ بایدن ڤه‌گوهاستینه؛ تا نوكه دیار نه‌بوویه كو ژیریا ده‌ستكرد مه‌ترسى هه‌نه.
لێ جۆ بایدن ته‌كه‌زى ل سه‌ر وێ چه‌ندێ كر كو "پێدڤیه كۆمپانیێن ته‌كنولوژى گره‌نتیا سلامه‌تیا به‌رهه‌مێن خۆ بكه‌ن ژ به‌رى رابگه‌هینن".
بایدن بۆ شیره‌تكارێن خۆ یێن زانستى و ته‌كنولوژى دیاركر "د شیان دایه ژیریا ده‌ستكرد بۆ چاره‌سه‌ركرنا نه‌خۆشیان و به‌رسینگگرتنا گوهۆڕینێن سه‌قاى یا هاریكار بیت، لێ یا گرنگه ژى مه‌ترسیێن وێ یێن كو ره‌نگه هه‌بن ل سه‌ر جڤاكى، ئێمناهیا نه‌ته‌وه‌یى و ئابوورى بهێنه چاره‌كرن".
ده‌مێ پرسیار ژ سه‌رۆكێ ئه‌مریكا هاتیه كرن كا ژیریا ده‌ستكرد یا ب مه‌ترسى یه یان نه، وى خۆیاكر؛ تا نوكه دیار نه‌بوویه، دبیت یا ب مه‌ترسى بیت.
ئيلۆن ماسك و ژماره‌یه‌كا شاره‌زایێن ته‌كنولوژى ل هه‌یڤا ئادارێ یا بۆرى نامه‌یه‌كا ڤه‌كرى به‌لاڤكربوون و تێدا داخوازا راگرتنا پێشئێخستنا ئالاڤێن ژیریا ده‌ستكرد بۆ ده‌مێ 6 هه‌یڤان كربوون.
