پارتى: بۆ ههلبژارتنان ههمى رێككهفتن هاتینهكرن بتنێ پرسا پێكهاتان مایه
گاڤ
پشكا ههلبژارتنێن پارتى بۆ گاڤ راگههاند، ل دهمهكێ نێزیك ئێكهتى و پارتى دێ كۆمبن و بتنێ پرسا پێكهاتان مایه.
هاوار محەممەد، پهیڤدار و بهرپرسێ پشكا قانوونى ل پشكا ههلبژارتنێن پارتى دیمۆكراتى كوردستان بۆ گاڤ گۆت: رێككهفتنا تهمام ل گهل ئێكهتیێ و ههموو ئالیان هاتیه كرن و بتنێ پرسا كورسیێن كۆتایان مایه.
ههروهسا دیاركر، بزاڤهك ههیه پارتى یا دیمۆكراتا كوردستان و ئێكهتیا نشتیمانى یا كوردستانێ ل دهمهكی نێزیك كۆمبن لێ چ ژڤان هێشتا د دیارنین.
هاوار محمهد گۆت ژى: پارتى رژده پێكهاتێن ههرێما كوردستانێ بڕیارا خۆ بدهن و وان چاوا خواست ئهو دێ پشكداریێ د ههلبژارتنان دا كهن.
پهیڤدار و بهرپرسێ پشكا قانوونى ل پشكا ههلبژارتنێن پارتى دیمۆكراتى كوردستان دوپاتكر، ههلبژارتن ل دهمی خۆ یێ دیاركرى بهێنهكرن.
سهرۆكێ ههرێما كوردستانێ، نێچیرڤان بارزانى 18-11-2023یێ وهك دهما ههلبژارتنێن خۆلا شهشێ یا پهڕلهمانێ كوردستانێ دیاركریه، بۆ ڤێ یهكێ ژى دڤێت قانوونا ههلبژارتنان بهێته راستڤهكرن و كۆمسیۆن ژى بهێته كاراكرن.