ئه‌ڤرۆ كۆمكارا ئه‌ره‌بى دێ لدۆر ره‌وشا سووریا و سوودانێ كۆمبیت
05/07/2023 - 08:51
بەلاڤ بکە
گاڤ
ئه‌ڤرۆ وه‌زیرێن ده‌رڤه یێن وه‌لاتێن كۆمكارا ئه‌ره‌بى دێ ل دۆر ره‌وشا سوودانێ كۆمبن و ڤه‌گه‌ڕیانا سووریا بۆ ناڤا كۆمكارێ مژاره‌كا دى یا كۆمبوونێ یه.
ئه‌ڤرۆ ئێكشه‌مبێ 7-5-2023یێ وه‌زیرێن ده‌رڤه یێن وه‌لاتێن كۆمكارا ئه‌ره‌بى دێ ل قاهیره‌یا پایته‌ختێ مسرێ كۆمبن، هه‌ڤده‌م شاندا ئیراقێ ژى ب سه‌رۆكاتیا فوئاد حسێن، وه‌زیرێ ده‌رڤه یێ ئیراقی یه، دانوستاندن دێ ل دۆر چاره‌یا ره‌وشا سوودانێ، هه‌روه‌سا ڤه‌گه‌ڕیانا سووریا پشتى 12 سالان بۆ ناڤا كۆمكارێ دێ هێته به‌حسكرن.
ئه‌ڤه ل ده‌مه‌كى یه 19ى ڤێ مه‌هێ كۆمكارا ئه‌ره‌بى دێ ل سعوودیێ كۆمبیت و دهێته چاڤه‌رێكرن نوونه‌رێ سووریا ژى پشكدارى گۆپیتكێ بیت.
