ئهمریكا و بریتانیا: كۆمبوونا مهسرور بارزانى و قوباد تالهبانى یا گرنگ بوو
گاڤ
ئهمریكا و بریتانیا كۆمبوونا ئهڤرۆ دوشهمبیێ دناڤبهرا سهرۆكێ حكومهتێ و جێگرێ سهرۆكێ حكومهتێ دا ب گاڤهكا گرنگ لقهلهمدان.
باربارا لیف هاریكارا وهزیرێ دهرڤه یێ ئهمریكا بۆ كاروبارێن رۆژههلاتا نزیك د تویتهكێ دا ل دۆر كۆمبوونێ گۆت "ئهڤه گاڤهكا مهزنه".
ههروهسا رۆزى كهیڤ كۆنسۆلا گشتى یا بریتانیا د تویتهكێ دا ل دۆر كۆمبوونا ئهڤرۆ دیاركر "خۆشحالم من ئهڤرۆ دیتى سهرۆكوهزیر و جێگرێ سهرۆكوهزیرى كۆمبووین، ئهڤه گاڤهكا سهرهكى یا گرنگه بۆ پێشكهفتنێ د پرسێن سهرهكى دا ب رێكا دانوستاندنێن ئاڤاكهر".
كهیڤ ئاماژه دا وێ چهندێ ژى؛ حكومهتا ئێكگرتى یا ههرێما كوردستانێ د بهرژهوهندیا ههمى خهلكێ ههرێمێ دایه، هیڤیخوازم ئهڤه دهستپێكا رێككهفتنهكا لێبۆرینێ و ههڤكاریێ بیت كو رێكێ ب حكومهتێ بدهت كار بۆ ههمى ههرێمێ بكهت.
مهسرور بارزانى سهرۆكێ جڤاتا وهزیران د دهمهكێ دى دا ژ ئهڤرۆ پێشوازى ل قوباد تالهبانى جێگرێ خۆ كربوو و ههردو لایهن ل سهر چارهكرنا ههمى كێشهیان ب رێكا دانوستاندنێ د ههڤڕا بوون.
ئهڤ كۆمبوونه پشتى دهمهكێ درێژ ژ دویركهفتنا تیما ئێكهتى نیشتیمانى كوردستان ژ كۆمبوونێن حكومهتا ههرێما كوردستانێ هات.