هه‌ڤپه‌یمانیا رێڤه‌برنا ده‌وله‌تێ دێ ل دۆر ماده‌یێن گرێداى پشكا هه‌رێمێ د بودجه‌یێ دا كۆم بیت
بەلاڤ بکە
گاڤ
هه‌ڤپه‌یمانیا رێڤه‌برنا ده‌وله‌تێ دێ ل دۆر ماده‌یێن گرێداى پشكا هه‌رێمێ د بودجه‌یێ دا كۆم بیت.
بڕیاره سوبه‌هى رۆژا دوشه‌مبى هه‌ڤپه‌یمانیا رێڤه‌برنا ده‌وله‌تێ ل دۆر ماده‌ێن گرێداى پشكا هه‌رێمێ د پرۆژه‌یاسایا بودجه‌یێ دا كۆم ببیت.
شاخەوان عەبدوڵڵا، جێگرێ سه‌رۆكێ په‌ڕله‌مانێ ئیراقێ د كۆنگره‌یه‌كێ رۆژنامه‌ڤانیێ هه‌ڤپشك دا دگه‌ل فارس عیساى سه‌رۆكێ نوێنه‌راتیا هه‌رێمێ ل به‌غدا راگه‌هاند، سوبه‌هى هه‌ڤپه‌یمانیا رێڤه‌برنا ده‌وله‌تێ دێ ل دۆر ماده‌یێن 13 و 14 یێن پرۆژه یاسایا بودجه‌یا ئیراقێ كۆم بیت.
شاخه‌وان عه‌بدوللا دا زانین د كۆمبوونا سوبه‌هى دا ئه‌و و وه‌زیرێ ده‌رڤه فوئاد حسێن ژى دێ پشكدار بن، گۆت ژى ئه‌و پێشبینى دكه‌ت كۆمبوون ئه‌رێنى بیت ژبه‌ركو سه‌ركرده‌یێن شیعه دگه‌ل وان راستڤه‌كرنان نینن یێن د وان ماده‌یان دا هاتینه كرن یین په‌یوه‌ندى ب پشكا هه‌رێمێ ڤه هه‌ین.
