د. جه‌مال كۆچه‌ر بۆ گاڤ: "هه‌تا 30 ى ڤێ هه‌یڤێ دێ بهایێ دۆلارى داكه‌ڤیت"
بەلاڤ بکە
گاڤ
ئه‌ندامه‌كێ لژنه‌یا دارایى ل په‌ڕله‌مانێ ئیراقێ بۆ گاڤ راگه‌هاند، بهایێ دۆلارى هه‌مبه‌رى دینارێ ئیراقى دێ داكه‌ڤیت ئه‌گه‌ر بودجه بكه‌ڤیته د وارێ بجهئینانێ دا و دویماهیا ڤێ هه‌یڤێ دێ بهایێ دۆلارى داكه‌ڤیت.
كۆچه‌رى به‌حس ل داكه‌فتنا بهایێ دۆلارى كر و گۆت: بها وه‌ك یێ حكومه‌تێ دانایى لێناهێت، كو 130 هزار دیناران بۆ هه‌ر 100 دۆلاران لێ پێشبینى كر بگه‌هیته د ناڤبه‌را 138 تا 140 هزار دینارن دا بۆ هه‌ر 100 دۆلاران.
هه‌روه‌سا ئاشكراكر، حكومه‌ت ل ده‌ما بجهئینانا قانوونا بودجێ نه‌چاره دۆلارى ب قه‌باره‌یه‌كێ مه‌زنتر بێخیته د بازارى دا بۆ دانا مووچه‌یان و ئه‌و مووچه دێ ب دینارێ ئیراقى هێنه به‌لاڤكرن و هه‌روه‌سا بۆ پڕۆژه‌یێن حكومه‌تێ ژى دێ پاره‌یه‌كێ باش كه‌ڤیته د بازارى دا.
گۆتژى: ئه‌گه‌ر بودجه بهێته بجهئینان دێ ئارامى كه‌ڤیته بازارى و ئێدى دێ نێزیكى وى بهایى بیت یێ حكومه‌تێ دیاركرى.
ل دۆر هنارتنا به‌هرا هه‌رێما كوردستانێ ژى جه‌مال كۆچبه‌ر بۆ گاڤ پشت راستكر ئه‌گه‌ر حكومه‌تا هه‌رێمێ په‌ترۆلێ ب ده‌ته به‌غدا یان ژى ده‌ست بكه‌ت حكومه‌تا ئیراقێ پابه‌نده به‌هرا هه‌رێمێ ژ بودجه‌یى ب هنێریت.
