تریفه عه‌زیز ل جهێ به‌یان سامى شنگالى بوو نوینه‌را هه‌رێمێ ل ئه‌مریكا
بەلاڤ بکە
گاڤ
نوینه‌را حكومه‌تا هه‌رێما كوردستانێ ل ئه‌مریكا هاته گهۆڕین و ل شوینا به‌یان سامى شنگالى، تریفه عه‌زیز شیره‌تكارا سه‌رۆكێ حكومه‌تا هه‌رێمێ هاته دانان.
وێبسایتێ حكومه‌تا هه‌رێما كوردستانێ به‌لاڤكر، ئه‌ڤرۆ ب بڕیارا سه‌رۆكێ حكومه‌تا هه‌رێمێ مه‌سروور بارزانى، نوینه‌را حكومه‌تا هه‌رێمێ ل واشنتۆن به‌یان سامى شنگالى هاته گوهۆرین و ل شوینا وێ تریفه عه‌زیز كو راوێژكاره‌كا بلند یا سه‌رۆكێ حكومه‌تێ یه هاته دانان.
دا زانین ژى، نوینه‌را نوى یا حكومه‌تێ ل ئه‌مریكا تریفه عه‌زیز، شیره‌تكاره‌كا بلند یا سه‌رۆكێ حكومه‌تا هه‌رێمێ یه،پێشتر بۆ ماوه‌یێ 25 سالان ل ئه‌مریكا د ئه‌ركێن جودا دا ل كه‌رتێ گشتى و تایبه‌ت كار كرى یه و ل سالێن نۆتان نوینه‌را پارتى بوویه ل واشنتۆن. 10 سالان ژى نوینه‌را حكومه‌تا هه‌رێمێ بوویه ل بریتانیا.
ل گۆره‌ى وێبسایتێ حكومه‌تێ، نوینه‌را پێشتر، به‌یان سامى ژى، پشتى 8 سالان دێ ڤه‌گه‌ڕیته هه‌رێمێ و دێ وه‌كو راوێژكارا سه‌رۆكێ حكومه‌تێ ده‌ستبكار بیت.
