ههرێما كوردستانێ دخوازیت رێكا شهمهندهفرێ د پارێزگهها دهۆكێ را بچیت
گاڤ
حكومهتا ههرێما كوردستانێ داخواز ژ حكومهتا ئیراقێ كر رێكا شهمهندهفرێ د پارێزگهها دهۆكێ را بچیته توركیا و ئهورۆپا.
ئانۆ جهوههر، وهزیرێ ڤهگوهاستن و گههاندنێ یێ حكومهتا ههرێما كوردستانێ د كۆنگرهیهكێ رۆژنامهڤانى دا داخواز ژ حكومهتا ئیراقێ كر نهخشهیێ رێكا وهبهرهێنانێ د پارێزگهها دهۆكێ را بچیته توركیا و پاشى ئهورۆپا.
جهوههرى گۆت ژى: ئهو پڕۆژهیه گهلهكێ گرنگه و كار ل بهغدایێ ل سهر دهێتهكرن و پڕۆژه ژ شهمهندهفرێن بلهز پێكدهێت كو بلهزاتیا 300 كیلۆمترانه د ئێك دهمژمێرێ دا.
ههروهسا دیاركر، كار ل سهر رێككهكا دى ژى یا نێڤدهولهتى دهێتهكرن كو دێ ژ فاو چیته ههرێما كوردستانێ و پاشى بۆ توركیا و ئهو رێك د بهرژهوهندا ههموو ئیراق و ههرێما كوردستانی ژى دایه.
گۆت ژى: وان داخواز ژ وهزارهتا ڤهگوهاستنا ئیراقێ كریه ئاراستهیا رێكێ بۆ سنۆرێ پارێزگهها دهۆكێ ل دهڤهرا سێمێل و ئیبراهیم خهلیل و پاشى بۆ توركیا بگوهۆڕن.