لوقمان ئاسیهى
(مۆنیکایەک) یا کڕی، نیڤ حەقێ داى، نیڤا دى بۆ چەند مەهەکان ب دەین یا هێلایە ل سەر خوە، کرێدارە، وەکى ئێڤاریان یان قاتێ خوە یێ شین و ریباتا خوە یا سۆر دکتە بەر خوە، یان جاران شاشکا خوە دخەڕتینت و ب ئەوێ مۆنیکا خوە د نیڤا سویکێ رە دچتە ئەوى سەری و دئێتە ئەڤی سەرى، وەکى ئەم کورد دبێژن؛ دێ بێژی کابرا کوڕی (صدر الاعظم) یە. 
نوزا بۆچى پتریا مە وەسا لێهاتینە، مەزاهر، خوە دیارکرن، فەخفەخە؟ ل دەف کابراى گەلەک نورمالە عاملییێ بکت و ئایفۆنەکا ئاخر مۆدێل ب قست بکڕت.
جارێ چەند ژ خەلکێ ئەڤی باژێرى وەک تو ژ دەرڤە تەماشەى خانییێن وان دکى ئاخر مۆدێلێن خەلیجی و ئۆرۆپینە، لێ ژ ناڤ دە تژژژژى کێماسى و بێ سەروبەرینە؟! موشکیلا مە، ئەم نە بۆ خوە دژین، ئەم بۆ خەلکێ دژین، کا خەلک دێ چاوا بێژن؛ بابۆ والله سیارا وى گەلەک بەرکەتییە، خانییێ وى تێکدە مواصفاتە. هوین باوەردکن ب خوە مەسەلا مەزاهرا یا گەهشتیە بابەتێ پێکئینانا خێزانێ ژى، دڤێت جوان و بەژن زارڤ و و و بت، ئانکو ئەو ژى وەکى تورمبێلێ دا کەس نە بێژتێ هەڤژینا تە/ تۆرمبێلا تە/ تەلەفۆنا تە/ نە لاوە.
من چەندین جاران بەحسێ ( رۆى) یا بۆ برادەرێن خوە کرى. کابرا کەسەکێ نیوزلەندى بوو، بەرپرسێ رێکخراوەکێ بوو، باوەربکن ئەو جلکێن وى دکنە بەر خوە د (نەزرا) مە دە گەلەک بێ سەروبەر و بێ بەها بوون، لێ ل دەف وى پر نورمال بوون و خودان کەسایەتیک بوو بێى مرۆڤی، مرۆڤی رێز ل کار و کەد و سەروبەر و جلکێن وى ژى دگرت، لێ یا مە بەس خودێ دزانت کا ئەم چاوانن.
هونەرمەندێ مسرى یێ مەزن ( یەحیا ئەلفەخەرانى) دبێژت: ئەم خانیا ئاڤادکن، جهێ مێهڤانا دەرەجە ئێک دورستدکن تەنێ دا خەلک بێژن خانیێ وى گەلەک خوەش و راقییە! دبێژت مۆچەیێ مە ٥٠٠ هزارن ئەم شاهییێن خوە ب سەدان مێهڤانا داخواز دکن و تژژژژى سەر پشتا خوە قەر و دەین دکن تەنێ دا بێژن شاهییا وان بێ قوسیرى بوو.
ل داویێ ئەز ژى دبێژم خوەزى ئەم فێر ببان بۆ خوە بژین نەک بۆ خەلکێ.