گاڤ
سەرۆکێ رۆسیا د هەلبژارتنێن سەرۆکاتییێ دا سەرکەفتنەکا دی یا مەزن بدەستڤەئینا.
کۆمسیۆنا هەلبژارتنێن رۆسیا راگەهاند؛ ٪24.4 یا دەنگێن هەلبژارتنێن سەرۆکاتییا رۆسیا هاتنە ڤاڤارتن و ڤلادیمێر پۆتینی ٪87.97 یا دەنگان بدەستڤەئینایە.
هەلبژارتنێن سەرۆکاتییا رۆسیا ئەڤرۆ بدوماهی هاتن و ل گۆرەی کۆمسیۆنێ، ٪70 یا خەلکی پشکداری هەلبژارتنان بوون و د دەنگدانا تایبەی ژی دا ٪99 پشکداربوون.
پشتی ڤاڤارتنا ٪24.4 یا دەنگان، پۆتین شیایە ٪87.97 یا دەنگان بدەستڤەبینیت، هەڤرکێ وی نیکۆلایی خاریتۆنۆڤ ب دەستڤەئینانا ٪3.8 ل رێزا دویێ دهێت و هەر ئێک ژ ڤلادیسلاڤ داڤانکۆڤ و لیۆنید سلۆتسکی ٪3.73 و ٪2.96 یا دەنگان بدەستڤەئیناینە.