گاڤ

هه‌لبژارتیێ ئیراقێ وه‌ك به‌رهه‌ڤى بۆ یارییا ل گه‌ل فلیپینێ د ڤاڤارتنێن موندیالێ دا گه‌هشته‌ مانێلا پایته‌ختێ فلیپینێ و ئه‌ڤرۆ شه‌مبیێ ئێكه‌م یه‌كه‌یا خۆ یا راهێنانان ل وى وه‌لاتى ده‌ستپێكر.

هه‌لبژارتیێ ئیراقێ به‌رى دو رۆژان د گه‌ڕا سیێ ژ كۆما شه‌شێ یا ڤاڤارتنێن موندیالا 2026 دا ل به‌سره‌ ب ئه‌نجامێ 1-0 سه‌ركه‌فتن ل سه‌ر فلیپینێ تۆماركربوو و ژڤانه‌ ل 26ى ڤێ هه‌یڤێ دوباره‌ یاریێ ل گه‌ل فلیپینێ ل سه‌ر ئه‌ردێ فلیپینێ بكه‌ت.

راهێنانێن ئیراقێ ئه‌ڤرۆ ب به‌رهه‌ڤبوونا عه‌دنان ده‌رجال سه‌رۆكێ ئێكه‌تییا ته‌پاپێى و یوونس مه‌حموود جێگرێ سه‌رۆكێ ئێكه‌تییا ته‌پاپێى یا ئیراقێ و ب به‌رهه‌ڤبوونا ئه‌حمه‌د مووسه‌وى ئه‌ندامێ ئێكه‌تییا ته‌پاپێى و ب پشكدارییا سه‌رجه‌م 27 یاریكه‌ران برێڤه‌چوون.

هه‌لبژارتیێ ئیراقێ پشتى سێ یارییان ل سه‌رێ رێزبه‌ندییا كۆما شه‌شێ ب كۆمكرنا 9 خالان دهێت و ل دویڤ دا هه‌ر ئێك ئیندۆنیسیا، ڤێتنام و فلیپین دهێن.