لێكۆلینهك: قههوه مهترسییا تووشبوونێ ب پهنجهشێرا رویڤیكان كێم دكهت
گاڤ
لێكۆلینهكا ساخلهمیێ یا هۆلهندى ئاشكرا كریه؛ ئهو كهسێن تووشبوویێن پهنجهشێرا رویڤیكان یێن رۆژانه 2 تا 4 فنجانێن قههوهیێ ڤهخوارین مهترسییا دوباره تووشبوونا وان ب وێ نهخۆشیێ كێمتره ب ههڤبهركرن ل گهل كهسێن دى.
لێكۆلین ژ لایێ سندۆقا جیهانى یا لێكۆلینێن پهنجهشێرێ ڤه WCRF هاتبوو پارهداركرن و د كۆڤارا نێڤدهولهتى یا پهنجهشێرێ دا بهلاڤبوویه.
ل گۆرهى لێكۆلینێ "ئهو نهخۆشێن ژمارهیهكا كۆپێن قههوهیێ رۆژانه ڤهدخۆن، مهبهست ژ 2 ههتا 4 فنجانان رۆژانه، ئهگهرێ دوباره تووشبوونا وان ب پهنجهشێرا رویڤیكان ب رێژهیا 32% كێمتره ب ههڤبهركرن ل گهل وان كهسێن كێمتر ژ دو كۆپێن قههوهیێ رۆژانه ڤهخوارین".
ههر ل گۆرهى لێكۆلینێ "كهسێن تووشبوویێن پهنجهشێرا رویڤیكان یێن رۆژانه 2 تا 4 كۆپێن قههوهیێ ڤهدخۆن مهترسییا مرنا وان ب ههر ئهگهرهكێ كێمتره ب ههڤبهركرن ل گهل كهسێن دى".
خهلكێ بریتانیا رۆژانه نزیكى 95 ملیۆن كۆپێن قههوهیێ ڤهدخۆن، ئهڤ لێكۆلینه دێ بیته هاندهرهك بۆ نزیكى 43 هزار بریتانیێن سالانه تووشى پهنجهشێرا رویڤیكان دبن كو پتر قههوهیێ ڤهخۆن.