خێزانه‌كا سعوودى بزاڤان دكه‌ت یانه‌یا ئینتر میلان بكڕیت
بەلاڤ بکە
گاڤ
راپۆرتێن میدیایى یێن ئیتالى راگه‌هاندن؛ خێزانه‌كا سعوودى حه‌زا كڕینا یانه‌یا ئینتر میلان هه‌یه و گۆتوبێژان بۆ ڤێ چه‌ندێ ل گه‌ل كۆمپانیا سونینگ یا چینى ئه‌وا مولكدارییا یانه‌یا ئیتالى د ده‌ستێن وێ دا دكه‌ت.
رۆژنامه‌یا لا ریپۆبلیكا یا ئیتالى ئه‌ڤرۆ شه‌مبیێ راگه‌هاندیه "خێزانه‌كا ده‌وله‌مه‌ند یا سعوودى گۆتوبێژان ل گه‌ل كۆمپانیا سونینگ یا چینى ژ بۆ كڕینا یانه‌یا ئینتر میلان دكه‌ت".
دیار ژى كریه "ئه‌و خێزانا سعوودى نه‌یا گرێدایه ب سندۆقا وه‌به‌رهێنانێ یا سعوودى ڤه ئه‌وا مولكدارییا یانه‌یا نیوكاسل یا ئنگلیزى هه‌ى".
كۆمپانیا سونینگ یا چینى به‌رى نوكه دیاركربوو؛ وان ل به‌ر نینه یانه‌یا ئینتر میلان ب ته‌مامى بفڕۆشتن به‌لكو ب تنێ هنده‌ك پشكان Shares ژ یانه‌یێ.
به‌رى چه‌ند هه‌یڤان ژى هنده‌ك نووچه ل دۆر حه‌زا وه‌به‌رهێنه‌رێن سعوودى بۆ كڕینا یانه‌یا ئینتر میلان به‌لاڤببوون.
یانه‌یا ئینتر میلان د نوكه دا ل سه‌رێ لیستا خۆلا ئیتالیا دهێت و نزیكى بده‌ستڤه‌ئینانا ناسناڤى بوویه، د وه‌رزێ بۆرى ژى دا گه‌هشتبوو یارییا دویماهیێ یا چامپیۆنز لیگا ئه‌ورۆپى و تێدا ب ئه‌نجامێ 1-0 تووشى دۆڕاندنێ ببوو ل سه‌ر ده‌ستێن مانچێسته‌ر ستى.
