گاڤ

ئەڤرۆ سپێدێ وەزارەتا دەرڤە یا چینێ پەیامەک دەربارەی هێرشێن ئیرانێ ل دژی ئسرائیلێ و گەفێن تەلئەڤیڤ ل تەهرانێ دکەت، بەلاڤ کر و تێدا داخواز ژ وەلاتێن رۆژهەلاتا ناڤین کر: خۆ ئارام بکەن.

وەزارەتا دەرڤە یا چینێ د پەیامەکێ دا راگەهاند: چین دەربارەی ئالۆزی و رەوشا نوکە یا رۆژهەلاتا ناڤین گەلەک دلگرانە و داخوازێ ژ ئالییێن پەیوەندیدار دکەت ئارام و ل سەرخۆ بن داکو رەوش زێدەتر ئالۆز نەبیت.

وەزارەتا دەرڤە یا چینێ د پەیاما خۆ دا داخواز ژ وەلاتێن کاریگەر یێن رۆژهەلاتا ناڤین و جڤاکا نێڤدەولەتی کرییە: رۆلەکێ ئەرێنی بۆ بدەستڤەئینانا سەقامگیرییێ ل رۆژهەلاتا ناڤین ببینن.

پەیاما چینێ د دەمەکی دایە کو پشتی شەش مەهان ژ دەستپێکرنا شەڕێ ئسرائیل و حەماسێ، رەوش د ناڤبەرا ئسرائیل و ئیرانێ دا گەهشتییە گۆپیتکا ئالۆزییێ، ب رەنگەکی ئیران هێرشێن ئێکسەر دکەتە سەر ئسرائیلێ و ئسرائیل گەفێن بەرسڤەکا دژوار دکەت.