ژمارهیهكا شارهزایان: پێشبینى ههنه بهایێن زێڕى هێشتا بلند ببن
گاڤ
ژمارهیهكا مهزن یا شارهزایێن ئابوورى پێشبینیكرن بهایێن زێڕێ د بازارێن جیهانى د دهمێ بهێت دا هێشتا بلند ببن.
بهایێن زێڕى د رۆژێن بۆرى دا گههشتبوونه بلندترین ئاستێن خۆ د دیرۆكێ دا، ژمارهیهكا شڕۆڤهكاران ژى پێشبینیكرینه بهایێن زێڕى هێشتا بلند ببن ل دهمێ بهنكا فیدرالى یا یهدهك یا ئهمریكى (بهنكا ناڤهندى یا ئهمریكى) دهست ب كێمكرنا بهایێن قازانجێ بكهت، كێمكرنا بهایێن قازانجێ دێ بیته ئهگهرێ زێدهبوونا داخوازییا وهبهرهێنهران ل سهر زێڕى، وهكى ئاژانسێن نووچهیان ئاماژهپێكرین.
شارهزایێن Bank of America د یاداشتنامهیهكێ دا نڤیسینه "بهرى نوكه مه پێشبینییا بهایێ 2400 دۆلاران بۆ ههر ئۆنسهیهكا زێڕى كربوو ئهگهر بهنكا فیدرالى یا یهدهك یا ئهمریكى د چارێكا ئێكێ یا ئهڤ ساله 2024 دا بهایێن قازانجێ كێمبكهت و ئهم ب ڤێ پێشبینیێ د پێگیرین د ئهڤ ساله دا خۆ ئهگهر د دهمهكێ دى ژى دا كێمكرنا بهایێن قازانجێ بهێت".
بهایێن زێرى پتر ژ جارهكێ د ههیاما بۆرى دا گههشتبوونه ئاستێن پیڤانكى، ئهڤ چهنده هات پشتى وهبهرهێنهران پهنا بۆ كڕینا زێڕى ژ بۆ پاراستنا سامانێ خۆ برین.