گاڤ

ژمارەکا بەرپرسێن ئەمریکا پێشبینی دکەن ئەڤرۆ ئسرائیل هێرشەکێ ل دژی ئیرانێ بکەت.

رۆژنامەیا وال ستریت جۆرنال ل گۆرەی ژمارەکا بەرپرسێن ئەمریکی کو هندەک ژ وان نێزیکی جۆ بایدن، سەرۆکێ ئەمریکا نە، راگەهاند: دبیت ئەڤرۆ بنیامێن نەتەنیاهۆ، سەرۆکوەزیرێ ئسرائیلێ بەرسڤا هێرشێن ئیرانێ بدەت، لێ یا دیار نینە بەرسڤ دێ ب چ شێواز و ل چ دەڤەر بیت.

ژێدەران هەروەسا دیار کرییە: نەتەنیاهۆی نیەت هەبوون هەر زوی بەرسڤا هێرشێن ئیرانێ بدەت، لێ بایدنی پەیوەندی ب وی کرییە و ژێ خواستییە بەرسڤێ نەدەت، لەورا بەرسڤدانا ئسرائیلێ گیرۆ بوویە.

ژ ئالییەکێ دی ڤە، مەدیایێن ئیرانی ئامادەباشییا تەهرانێ بۆ بەرەڤانیکرنێ دوپات دکەن و دبێژن: هەر دەما ئسرائیل هێرشەکێ بکەت، ژبلی کو ئیرانێ شیان هەنە بەرەڤانییێ ژ خۆ بکەت، ئیرانێ پلان و ستراتیژی هەنە ل بەرژەوەندییێن ئسرائیلێ ل دەڤەرێ بدەت.