وه‌زاره‌تا دارایی داخوازا لیستێن موچه‌یێن نیسانێ ژ گه‌نجینه‌یان دكه‌ت
04/15/2024 - 13:07
بەلاڤ بکە
گاڤ
وه‌زاره‌تا دارایی و ئابۆرییا هه‌ر‌ێما كوردستانێ ژ گه‌نجینه‌یان خواست ئه‌ڤرۆ تا دویماهییا ده‌وامێ لیستێن مووچه‌یێن هه‌یڤا نیسانێ یێن سه‌رجه‌م وه‌زاره‌ت و ده‌سته و فه‌رمانگه‌هان بۆ بهنێرن.
ل گۆره‌ى زانیاریێن گاڤ، پشتى لیستێن مووچه‌یان دگه‌هنه وه‌زاره‌تێ، دێ هویربینى لسه‌ر هێته‌كرن و بڕیاره به‌رى 20ى ڤێ هه‌یڤێ بۆ وه‌زاره‌تا دارایى یا ئیراقێ بهێنه هنارتن ئه‌گه‌ر چ كێشه نه‌هێنه پێش.
پێشتر داخواز ژ گه‌نجینه‌یان هاتبوو كرن، لیستێن مووچه‌یان ئاماده بكه‌ن و ئه‌ڤرۆ داخواز ژێ هاتییه كرن لیسته‌یان بهنێرن.
بڕیاره ل 20 ڤێ هه‌یڤێ ئیراق ده‌ست ب به‌لاڤكرنا موچه‌یان بكه‌ت و دهێته چاڤه‌رێكرن به‌رى ب دویماهیهاتنا هه‌یڤێ مووچه‌یێ فه‌رمانبه‌رێن هه‌رێمێ ژى بهێته هنارتن.
