سهرۆكێ حكومهتێ سوبههى دێ پشكداریێ د گۆپیتكا چاندنێ دا ل دهۆكێ كهت
گاڤ
سوبههى گۆپیتكا چاندنێ ل زانكۆیا دهۆك دێ هێته گێڕان و ل گۆرهى كارنامهیا گۆپیتكێ؛ سهرۆكێ حكومهتا ههرێمێ دێ پشكداریێ تێدا دكهت.
زانكۆیا دهۆك ب ههڤكارى ل گهل وهزارهتا چاندنێ و ژێدهرێن ئاڤێ و دهستهیا وهبهرهێنانێ ل ههرێما كوردستانێ دێ سوبههى ئێكهم گۆپیتكا چاندنێ ل ههرێما كوردستانێ گێڕیت و ل گۆرهى كارنامهیا گۆپیتكێ؛ مهسروور بارزانى سهرۆكێ حكومهتا ههرێمێ دێ پشكداریێ د گۆپیتكێ دا كهت.
گۆپیتك ل بن درویشمێ ’بهرهڤ چاندن و ژینگهههكا دۆمدار’ دێ سوبههى سێشهمبیێ ل سهنتهرێ كۆنفرانسان یێ زانكۆیا دهۆكێ برێڤهچیت.
هندهك ژ ئارمانجێن گۆپیتكێ ئهڤهنه: بهرچاڤكرنا ئاریشهیێن چاندنێ ل ههرێما كوردستانێ و چهوانییا چارهسهركرنا وان، دهستنیشانكرنا پێدڤیاتیێن سهرهكى بۆ بلندكرنا ئاستێ چاندنێ، دارشتنا پلانێن گونجاى بۆ پێشئێخستنا كهرتێ چاندنێ و ناساندنا سهربۆرێن سهركهفتى یێن وهلاتێن پێشكهفتى د بوارێ چاندنێ دا و چهوانییا ڤهگوهاستنا وان سهربۆران بۆ ههرێما كوردستانێ.
ژمارهیهكا پهنهل و سمیناران د گۆپیتكێ دا ژ لایێ كهسێن پسپۆر و تایبهتمهندێن كهرتێ چاندنێ ڤه دێ هێنه پێشكێشكرن.