گاڤ

ل گۆره‌ى راگه‌هاندنه‌كا كۆچكا سه‌رۆكاتییا رۆسیا كرێملینێ ،سه‌رۆكێ رۆسیا ڤلادیمیر پۆتین و سه‌رۆككۆمارێ ئیرانێ ئیبراهیم ره‌ئیسى د په‌یوه‌ندییه‌كا ته‌له‌فۆنى دا رژدییا خۆ نیشاندا بۆ رێگریكرنێ ل به‌رفره‌هبوونا ئالۆزیێن رۆژهه‌لاتا ناڤین.

ل گۆره‌ى راگه‌هاندنا كرێملینێ، ڤلادیمیر پۆتین ب سه‌رۆكێ ئیرانێ راگه‌هاندى یه‌، پێدڤییه‌ ئیران و ئسرائیل لسه‌ر خۆ بن و دوباره‌ هێرشى به‌رژه‌وه‌ندیێن هه‌ڤدو نه‌كه‌ن و ئه‌گه‌ر هێرش دوباره‌ ببن دێ رۆژهه‌لاتا ناڤین تووشى كاره‌ساتێن مه‌زنتر بیت.

هه‌روه‌سا هه‌ردو سه‌رۆكان پێگیرییا خۆ نیشاندایه‌ بۆ ب دویماهیئینانا ئالۆزیێن رۆژهه‌لاتا ناڤین و ئاماده‌كارى بۆ دیتنا چاره‌یێن سیاسى و دپلۆماسى بۆ ئالۆزیان.