ب پشكداريا زيلێنسكى ئالايێ ئۆكراينا ل ئيزيۆم هاته بلندكرن
09/14/2022 - 19:45
گاڤ نيوز
سهرۆكێ ئۆكراينا ئهڤرۆ چارشهمبيێ سهرهدانا باژێرێ ئيزيۆم يێ ستراتيژى ل دهڤهرا خاركيڤ كر پشتى سوپايێ ئۆكراينى ژ دهستێن رۆسيا رزگاركرى.
ڤولوديمير زيلێنسكى سهرۆكێ ئۆكراينا پشكدارى د ئاههنگا بلندكرنا ئالايێ ئۆكراينا دا ل باژێڕێ ئيزيۆم كر و سوپاسيا سهربازێن ئۆكراينى د ئازادكرنا وى باژێڕى دا كر.
زيلێنسكى ب رێكا تێليگرامى راگههاند؛ ئالايێ مه يێ شين و زهر جارهكا دى ل ئيزيۆم بلند بوو، ئهم بهرهڤ پێشڤه و بهرهڤ سهركهفتنێ ڤه دچين.
ئۆكراينا د ڤێ حهفتێ دا ئازادكرنا ب هزاران كيلۆمهتران ل رۆژههلات و باشوورێ ئۆكراينا ژ دهستێن هێزێن رۆسى راگههاند بوو ژ وان ژى خاركيڤ و دهوروبهرێن وێ ب تهمامى.
ل باشوورى ژى، هێزێن ئۆكراينى ل دهڤهرا خێرسۆن ژمارهيهكا پێشڤهچوونان تۆماركرينه و پتر ژ 500 كيلۆمهترێن چارگۆشه ئازادكرينه.