سوپايێ ئۆكراينا: مه 223 درۆنێن ئيرانى ل ئۆكراينا ئێخستينه خوارێ
بەلاڤ بکە
گاڤ نيوز
سوپايێ ئۆكراينا راگه‌هاند كو د ده‌مێ پێنج حه‌فتيێن بۆرى دا پتر ژ 200 فرۆكه‌يێن بێفرۆكه‌ڤان يێن ئيرانى دناڤ ئاخا ئۆكراينا دا ئێخستينه خوارێ.
د رۆژێن بۆرى دا سوپايێ رۆسيا ژماره‌يه‌كا هێرشان ل سه‌ر باژێڕێن ئۆكراينى و وێستگه‌هێن وزه‌يێ ل وه‌لاتى ئه‌نجامدابوون و ڤولوديمير زيلێنسكى سه‌رۆكێ ئۆكراينا راگه‌هاند بوو كو رۆسيا ب رێكا ژماره‌يه‌كا درۆنێن ئيرانێ هێرش ل سه‌ر ژماره‌يه‌كا ده‌ڤه‌رێن ئۆكراينى ئه‌نجامداينه.
سوپايێ ئۆكراينا ئه‌ڤرۆ چارشه‌مبيێ د به‌يانه‌كێ دا راگه‌هاند؛ د ده‌مێ پێنج حه‌فتيێن بۆرى دا، سوپايێ ئۆكراينا و به‌رگريا ئاسمانى يا ئۆكراينى 223 درۆنێن ئيرانى ژ جۆرێ ’شاهد-136’ ئێخستينه خوارێ.
هاريكاريا ئيرانێ بۆ رۆسيا د شه‌ڕێ دژى ئۆكراينا دا بوويه ئه‌گه‌رێ كارڤه‌دانێن نێڤده‌وله‌تى يێن به‌رفره‌هـ و هه‌ر ئێك ژ ئه‌مريكا، بريتانيا و فره‌نسا داخواز ژ جڤاتا ئاسايشێ يا نێڤده‌وله‌تى كرينه كو لێكۆلينان ل دۆر ڤى بابه‌تى ده‌ستپێبكه‌ت.
