ئێكهتيا تهپاپێ يا ئیراقێ: دێ رێكارێن ياسايى ل دژى ههلبژارتيێ كوستاريكا گرينه بهر
گاڤ نيوز
ئێكهتيا يا تهپاپێ یا ئيراقێ ئهڤرۆ پێنجشهمبيێ راگههاند كو ئهو دێ رێكارێن ياسايى ل دژى ههلبژارتيێ كوستاريكا گريته بهر.
ل بهر بوو ل ئێڤاريا ئهڤرۆ پێنجشهمبيێ ياريا ههڤالينى دناڤبهرا ههلبژارتيێن ئيراقێ و كوستاريكا ل بهسره هاتبا ئهنجامدان، لێ ههلبژارتيێ كوستاريكا ژ بڕيارا ئهنجامدانا ياريێ لێڤهبوو و سهرهدانا ئيراقێ نهكر.
د بهيانهكا ئێكهتيا يا تهپاپێ یا ئيراقێ دا هاتيه؛ مه ههمى ئاسانكارى بۆ گرهنتيكرنا ئهنجامدانا ياريێ بۆ ههلبژارتيێ كوستاريكا بهردهست كربوون ژ وان ژى ئهنجامدانا گهشتهكا ئاسمانى بۆ شاندێ كوستاريكا بۆ بهسره، لێ ژ بهر پێشكێشنهكرنا ههلبژارتيێ كوستاريكا بۆ چ داتايان بۆ لايهنێ ئيراقێ، پاشى نهرازيبوونا وان ل سهر كرنا ياريێ ب ئاوايهكێ ڤهبڕى سهرهراى بزاڤان، ئێكهتيا يا تهپاپێ یا ئيراقێ دێ ههمى رێكارێن ياسايى ل گۆرهى گرێبهستا ئهنجامدانا ياريێ گريته بهر كو سزايێ دارايى ل سهر ههلبژارتيێ كوستاريكا تێدا ههيه.
ئێكهتيا تهپاپێى يا ئيراقێ ديار ژى كر؛ دێ پاره بۆ وى جهماوهرى هێته ڤهگهڕاندن يێن پلێتێن ياريێ كڕين.