لێكۆلينه‌ك هوشداريێ ژ زيانێن شرينیێن ده‌ستكرد دده‌ت
بەلاڤ بکە
گاڤ نيوز
لێكۆلينه‌كا نوى هوشداريێ ژ بكارئينانا شرينكه‌رێن ده‌ستكرد دده‌ت و ئاماژه‌يێ دده‌ته زيانێن وان.
ل گۆره‌ى لێكۆلينه‌كا د كۆڤارا نوشدارى يا بريتانى دا به‌لاڤبووى؛ په‌يوه‌نديه‌ك دناڤبه‌را شرينكه‌رێن ده‌ستكرد و تووشبوونێ ب نه‌خۆشيێن دلى و راوه‌ستيا مێشكى دا هه‌يه.
هه‌روه‌سا شاره‌زايێن زانكۆيا نورس كارۆلينا ل ئه‌مريكا ل دۆر ڤێ چه‌ندێ ديار دكه‌ن؛ بزاڤێن كێمكرنا شه‌كرا زێده‌كرى د خوارنێ دا ئالنگاريه‌كا مه‌زنه چونكى مرۆڤ حه‌ز ژ خوارنێن شرين دكه‌ن، لێ به‌رده‌وام بكارئينانا شه‌كرێ دبيته ئه‌گه‌رێ ئاريشه‌يێن ساخله‌ميێ د مه‌ودايێ دومدرێژ دا.
ژ لايێ خۆڤه زانايێن زانكۆيا ديكن ل مێلبۆرن ئاماژه داينه مه‌ترسيێن شرينكه‌رێن ده‌ستكرد و ديار كرينه كو ئه‌و د گه‌له‌ك خوارنان دا دهێنه بكارئينان يێن كو تێدا هاتيه نڤيسين كو رێژه‌يا شه‌كرێ تێدا يا كێمه.
ل گه‌ل ڤێ چه‌ندێ، هنده‌ك شاره‌زا دبينن كو بكارئينانا شرينكه‌رێن ده‌ستكرد ب ئاوايه‌كێ سنووردار باشتره ژ بكارئينانا رێژه‌يه‌كا مه‌زن يا شه‌كرێ د خوارنێن رۆژانه دا.
