گاڤ
نه‌ته‌وه‌یێن ئێكگرتى راگه‌هاند، ل جیهانێ 38 ملیۆن كه‌س هه‌لگرێن ڤایرۆسێ ئایدزێ نه‌ و بتنێ ل سالا 2021ێ ملیۆنه‌ك و 500 هزار كه‌س تووش بووینه‌ و ئاشكراكر، 6 ملیۆن مرۆڤ بێى بزانن هه‌لگرێن ڤى ڤایرۆسى نه‌.
لیپۆلد زیكێنگ، به‌رپرس ل ئاژانسا یوئێنێ راگه‌هاند، ل سه‌رانسه‌رى جیهانێ 38 ملیۆن كه‌س هه‌لگرێن ڤایرۆسێ ئایدزێ نه‌ و بتنێ ل سالا 2021ێ ملیۆنه‌ك و 500 هزار كه‌س تووش بووینه‌.
هه‌روه‌سا ئاشكراكر، ئه‌ڤ ساله‌ 650 هزار كه‌سان ژ ئه‌گه‌را ڤایرۆسێ ئایدزێ ل سه‌رانسه‌رى جیهانێ ژیانا خۆ ژ ده‌ست داینه‌.
زیكێنگ گۆتژى: 54%ێ یا هه‌لگرێن ڤایرۆسى ژ ره‌گه‌زێ مێنه‌ و ملیۆنه‌ك و 700 هزار ژى زاڕۆ نه‌ و ژیێ وان تا 14 سالانه‌ و ل وه‌لاتێن رۆژهه‌لاتا ناڤین و باكۆرێ ئه‌فریكیا ژى ژماره‌یا تووشبوویان 180 هزار كه‌سه‌.
به‌حس ل ره‌وشا نێجیریا كر و ئاشكراكر، رێژه‌یا تووشبوونێ د ناڤا زاڕۆیان دا ل نێجیریا 25%ێ یه‌ و ئه‌ڤه‌ رێژه‌یه‌ گه‌له‌ك بلنده‌ و ب چ ره‌نگان جهێ قه‌بوولكرنێ نینه‌.
هه‌روه‌سا گۆتژى: 6 ملیۆن كه‌س ل جیهانێ هه‌لگرێن ڤایرۆسێ ئایدزێ نه‌ بێى بزانن و ئه‌ڤه‌ ژى ب خاله‌كا خراب و مه‌ترسیدار ب ناڤكر.