ئاگربهست بۆ دو رۆژان ل ئۆكراينا هاته راگههاندن
گاڤ
رۆسيا فهرمانا ئاگربهستێ بۆ دهمێ دو رۆژان بۆ شهڕێ وێ دژى ئۆكراينا ژ بهر ئاههنگێن ژدايكبوونا مهسيحى يێن ئورسودۆكسان راگههاند.
ئاژانسان ئهڤرۆ پێنجشهمبيێ ڤهگوهاستينه؛ سهركردايهتيا رۆسيا ل سهر داخوازيا پاتريارك كيرێل، پاترياركێ كهنيسهيا ئورسودۆكسى ل رۆسيا ئاگربهست بۆ شهڕێ رۆسيا ل دژى ئۆكراينا ژ دهمژمێر 12:00 ژ نيڤرۆيا سوبههى رۆژا 6/1/2023 و تا دهمژمێر 24:00 ژ رۆژا 7/1/2023 راگههاند.
شهڕێ رۆسيا بۆ سهر ئۆكراينا دههـ ههيڤ دهرباز كرينه و تا نوكه ئالۆزى و پهڤچوون ل دهڤهرێن رۆژههلات و باشوورێ رۆژههلاتێ ئۆكراينا د بهردهوامن.
د دهمێ چهند حهفتيێن بۆرى دا، هێرشێن مووشهكى و ب درۆنان يێن رۆسى بۆ سهر ژێرخانهيا وزهيێ و ژێرخانهيا مهدهنى ل كيێڤا پايتهخت و ژمارهيهكا باژێڕێن ئۆكراينى بهردهوام بوون.
دهستههلاتێن ئۆكراينى د بزاڤێن بهردهوام دانه بۆ چاككرنا وێستگههێن كارهبێ و وزهيێ ل وهلاتى و هێرشێن رۆسى ل سهر وان وێستگههان ب تاوانێن جهنگى بناڤدكهن.