پەرلەمانتارەک: كێمكرنا بهايێ دۆلارى د بهرژهوهنديا گهندهلان دايه
گاڤ
پهرلهمانتارهكێ سهربخۆ د پهرلهمانێ ئيراقێ دا ئهڤرۆ پێنجشهمبيێ دياركر كو كێمكرنا بهايێ دۆلارى ل گهل مانا بهايێ كهلوپهلان ب گڕانى د بهرژهوهنديا گهندهلان دايه.
رائد مالكى بۆ ئاژانسا شهفهق نيوز دياركر؛ ئهم ل گهل بڕيارا كێمكرنا بهايێ دۆلارى نه لێ ب مهرجهكێ كو كونترۆل ل سهر بازارى، بهايێ كهلوپهلان و كهرهستهيێن بكاربرنێ بهێته كرن ههروهسا گهندهلى د فرۆشگههێن كڕين و فرۆشتنا دراڤێ بيانى دا بهێته بنبركرن.
خۆيا ژى كر؛ ئهگهر ئهڤ جوداهيه دناڤبهرا بهايێ فهرمى يێ خهرجكرنا دۆلارى و بهايێ ههڤتهريب د بازارى دا بمينيت، ئهڤ چهنده دێ بيته ئهگهرێ گهندهليێ و بههدهردانا سامانێ گشتى و هۆسا چ گرنگى بۆ بڕيارا كێمكرنا بهايێ دۆلارى نامينيت.
زێده ژى كر "ئهگهر رهوش هۆسا بمينيت، بڕيارا گوهۆڕينا بهايێ خهرجكرنا دۆلارى دێ د بهرژهوهنديا گهندهلان دا بيت پتر ژ گهلێ ئيراقێ"، وهك ئاماژهيهكێ بۆ مانا بهايێ كهلوپهلان وهكى خۆ ل گهل كێمكرنا بهايێ دۆلارى.
ئاماژه دا وێ چهندێ؛ قهبويل ناكهين كو جوداهى دناڤبهرا بهايێ خهرجكرنێ و بهايێ ههڤتهريب دا ههبيت، چونكى بهايێن كهلوپهلان و بازار پشتبهستنێ ل سهر بهايێ ههڤتهريب دكهن و نهك يێ خهرجكرنا دۆلارى.
ناڤهاتى دياركر كو وان نهڤێت بڕيارا كێمكرنا بهايێ دۆلارى بۆ پاراستنا حكومهتێ بيت و گۆت "پێدڤيه بڕيار د بهرژهوهنديا گهلى دا بيت و نهك ژ بهر ئهگهرێن سياسى و پاراستنا سهقامگيريا حكومهتێ بيت".
حكومهتا ئيراقێ د حهفتيا بۆرى دا بڕيارا كێمكرنا بهايێ دۆلارى بۆ 1320 ديناران بۆ ههر دۆلارهكێ د فرۆشگههێن فرۆشتنا دراڤێ بيانى يێن بهنكا ناڤهندى دا دابوو.