شاكیرایێ د فرۆشگه‌هه‌كێ ڤه كره گرى
بەلاڤ بکە
گاڤ
نووچه‌یێن شاكیرایێ بۆ ده‌مێ نزیكى ساله‌كێ یه بووینه جهێ گرنگیپێدانا ده‌زگه‌هێن میدیایى و ب تایبه‌ت پشتى ژێكڤه‌بوونا وێ ژ جیرارد پیكێ یاریكه‌رێ ته‌پاپێى یێ ئسپانى.
مالپه‌ران وێنه‌یه‌كێ نوى یێ شاكیرایێ ل نیویۆرك به‌لاڤكرینه كو د ده‌مێ شۆپینگێ دا ل ئێك ژ فرۆشگه‌هێن فرۆشتنا شریناهیان ژ نشكه‌كێ ڤه دكه‌ته گرى.
تا نوكه ب دروستى ئه‌گه‌رێ گریا شاكیرایێ نه‌هاتیه زانین، ل ده‌مه‌كێ ئه‌و ل گه‌ل دو زارۆكێن خۆ د فرۆشگه‌هێ ڤه بوون ده‌مێ كریه گرى.
ده‌زگه‌هێن میدیایى ل ئه‌مریكا ئه‌گه‌رێن گریا شاكیرایى ژ هنده‌ك كه‌سێن نزیك ژ وێ پرسینه.
وان دیار كرینه كو "شاكیرایێ ژ به‌ر ماندیبوونێ، فشارێن ل سه‌ر وێ ژ به‌ر ناڤوده‌نگیێ یان ژى ژ به‌ر دودلى و نیگه‌رانیێ ژ ره‌وشا وێ یا نوكه كریه گرى".
شاكيرايێ و پیكێ ل هه‌یڤا خزیرانێ یا سالا 2022 ژێكجودابوونا خۆ پشتى 12 سالان ژ په‌یوه‌ندیێ راگه‌هاند بوون.
شاكیرا و پیكێ بۆ جارا ئێكێ د موندیالا 2010 دا ل ئه‌فریقیا باشوور هه‌ڤنیاسین ژ نزیك ڤه كربوون.
