190 كۆچبه‌ر د ده‌ریایا سپى یا ناڤه‌راست دا هاتنه رزگاركرن
بەلاڤ بکە
گاڤ
رێكخراوا نوشدارێن بێ سنوور ئه‌ڤرۆ ئه‌ینیێ رزگاركرنا 190 كۆچبه‌ران د ده‌ریایا سپى یا ناڤه‌راست دا راگه‌هاند.
رێكخراوێ راگه‌هاند؛ كه‌شتیه‌كا مه ب ناڤێ لویس میشێل ژماره‌یه‌كا كۆچبه‌ران د به‌له‌مه‌كا نزیكى نقوومبوونێ د ده‌ریایا سپى یا ناڤه‌راست دا دیتن كو ژماره‌یه‌كا مه‌زن ژ وان سنێله بوون و كه‌سوكارێن وان ل گه‌ل نه‌بوون.
دیار ژى كر؛ 190 كۆچبه‌ر ب قه‌ره‌بالغى د به‌له‌مه‌كا دارى دا بوون و به‌له‌م ل به‌ر مه‌ترسیێ بوو.
ئاماژه دا وێ چه‌ندێ ژى كو تیما لویس میشێل چاكێتێن رزگاركه‌ر ل سه‌ر وان كۆچبه‌ران به‌لاڤكرن و سه‌قامیگریا ره‌وشێ پاراستن.
ئه‌و كۆچبه‌ره ژ بۆ كه‌شتیا جیۆ بارێنتس یا رێكخراوا نوشدارێن بێ سنوور هاتنه ڤه‌گوهاستن و ده‌ستهه‌لاتێن ئیتالى داخواز ژ كه‌شتیێ كر به‌ره‌ڤ كنارێن بارى ڤه بهێت.
دهێته چاڤه‌رێكرن د ده‌مێ دو رۆژان دا پاپۆر بگه‌هیته كنارێن ئیتالى.
