"خوارنا هژیران ژماره‌یه‌كا مفایان بۆ ساخله‌میا مرۆڤى هه‌نه"
05/01/2023 - 17:22
بەلاڤ بکە
گاڤ
خوارنا هژیران چ یێن فرێش یان یێن هشككرى بن ژماره‌یه‌كا مفایان بۆ ساخله‌میا مرۆڤى هه‌نه و تۆره‌ك ئاماژه‌یێ دده‌ته چار ژ وان مفایان.
تۆرا NDTV یا هندى دیاركریه كو ژبلى تاما خۆش یا هژیران، خوارنا وان ژماره‌یه‌كا مفایێن ساخله‌مى هه‌نه.
دیار ژى دكه‌ت كو هژیر ب فایبه‌ران د ده‌وله‌مه‌ندن و ئه‌ڤ چه‌نده بۆ سیسته‌مێ هه‌رسكرنێ و ساخله‌میا له‌شى ب گشى یا باشه.
هه‌روه‌سا هژیران ژماره‌یه‌كا ترشێن گرنگ كو بۆ كونترۆلكرنا ئاستێ شه‌كرێ د خوینێ دا هاریكارن، تێدا هه‌نه.
زێده‌بارى ڤێ چه‌ندێ، هژیران ژماره‌یه‌كا كانزایێن گرنگ بۆ ساخله‌میا مرۆڤى وه‌كى كالسیۆم، فوسفۆر و پۆتاسیۆم هه‌روه‌سا ژماره‌یه‌كا ڤیتامینێن گرنك وه‌كى ڤیتامینێن C، E و A تێدا هه‌نه.
