گاڤ

په‌یڤدارێ وه‌زاره‌تا ده‌رڤه‌ یا ئیرانێ راگه‌هاند، مالپه‌ڕێ فه‌رمى ی وه‌زاره‌تا وان هاتیه‌ هاككرن، لێ به‌لگه‌نامه‌ و زانیارى ب ده‌ست هاككه‌ران نه‌گه‌هشتینه‌.

ئه‌ڤرۆ دوشه‌مبێ 8-5-2023یێ ناسر كه‌نعانى، په‌یڤدارێ وه‌زاره‌تا ده‌رڤه‌ یا ئیرانێ بۆ ئاژانسا فه‌رمى یا ئێرنا گۆت: مالپه‌ڕێ فه‌رمى یێ وه‌زاره‌تا ده‌رڤه‌ هاتیه‌ هاككرن و ره‌تكر ژى ده‌ست ب سه‌ر به‌لگه‌نامه‌ و زانیاریان دا هاتبیته‌ گرتن.

كه‌نعانى ئاشكراكر، هێرشێن ئه‌لكترۆنى لسه‌ر مالپه‌ڕێن وان به‌رده‌وامن و رێكارێن پێدڤى گرتینه‌ به‌ر بۆ وێ یه‌كێ نه‌هێنه‌ هاككرن.