گاڤ
سەرمایەدارەکێ ئەلمانی دخوازیت یانەیا بایرن میۆنشن ستێرا پۆرتۆگالی کریستیانۆ رۆنالدۆی بکڕیت و بەرهەڤە خەرجیێن وی ب ستوویێ خۆڤە بگریت.
ل گۆرەی میدیایێن ئەورۆپی، مارکۆس شۆن ئێک ژ سەرمایەدارێن ئەلمانیا یە و پشتەڤانەکێ بهێز یێ یانەیا بایرن میۆنشنێ یە، نامەیەک بۆ ئۆلیڤەر کان، رێڤەبەرێ وەرزشی یێ یانا باڤاری هنارتیە و تێدا بەرهەڤیا خۆ بۆ دانا پتریا مووچەیێ کریستیانۆ رۆنالدۆی دیار کریە ئەگەر بۆ وەرزێ بهێت گرێبەستێ ل گەل تۆمار بکەن.
سەرمایەدارێ ئەلمانی پلان بۆ هەیە ب رێکا ریکلام و فرۆشتنا درێسێن رۆنالدۆی خەرجیێن گرێبەستا وی دەستڤە بینیت.
تانوکە کارگێریا یانا ئەلمانی بەرسڤا وی نەدایە و دبیت رازی ببیت و رۆنالدۆ ڤەگەریتە ئەورۆپا.