گاڤ

سه‌رۆكێ رۆسیا راگه‌هاند، 7 و 8ى مه‌ها بهێت رێكارێن دانانا چه‌كێ ئه‌تۆمى ل سه‌ر ئاخا بیلارۆسیا دێ ب دوماهى هێن و هه‌موو تشته‌ك ل گۆرى پلانێ د چیت و جێگیره‌، ڤان گۆتنین پۆتینى وه‌زیرێن به‌رگریا وه‌لاتێن ئه‌ندامێن ناتۆیێ ل برۆكسل كۆمكرن.

یان ستۆلتنبێرگ، سكرتێرێ گشتى یێ ناتۆیێ ئه‌ڤ لڤینا نوو یا پۆتینى ب مه‌ترسیدار ناڤكر و راگه‌هاند، رۆسیا به‌رده‌وام گۆتارێن نه‌ به‌رپرسانه‌ دده‌ت، ل ده‌مه‌كى مۆسكۆ خۆ ژ رێككه‌ڤتنا چه‌كێ ستراتیژى یێ نوو ڤه‌كێشایه‌ و بڕیار دایه‌ چه‌كێ ئه‌تۆمى ببه‌ته‌ بیلارۆسیا، وه‌زیرێن ده‌رڤه‌ یێن ناتۆیێ ژى ده‌باره‌یى چه‌كێ ئه‌تۆمى و مه‌ترسیا دروستبوونا شه‌ڕى كۆمبوون.

وه‌زیرێن ده‌رڤه‌ یێن ناتۆیێ نه‌رازیبوون ژ ڤى هه‌لوه‌ستێ رۆسیا و دیاركرن ئه‌و دێ رێكارێن دى همبه‌رى رۆسیا گرنه‌ به‌ر.

21ى شواتا سالا 2023ێ مۆسكۆ خۆ ژ رێككه‌فتنا كێمكرنا چه‌كێ ستراتیژى ل گه‌ل واشونتن ڤه‌كێشا كو برگه‌یه‌كا وێ گرێدایى سنۆرداركرنا به‌رهه‌مئینانا چه‌كێ ئه‌تۆمى و لڤاندنا جهێ چه‌كى بوو، ئه‌ڤ پێنگاڤێن رۆسیا دێ شه‌رێ ل گه‌ل ئۆكراینا بۆ قۆناغه‌كا دى به‌ت.