دادگهها فیدرال دێ ل دۆر دو سكالایێن دى یێن ل دژى ههرێما كوردستانێ هاتیه تۆماركرن كۆمبیت
گاڤ
حهفتیا بهێت دادگهها فیدرالى بۆ ئێكلاكرنا دو سكالایان ل دژى ههرێما كوردستانێ دێ كۆمبیت، ئێكێ پهیوهندى ب هنارتنا 400 ملیار دیناران ڤه ههیه و یا دى ژى گرێدایى كۆبوونێن ئاهێن خوارنێ یه.
ل گۆرى خشتهیێ روونشتنێن دادگهها فیدالا ئیراقێ دوشهمبێ 19-6-2023یێ دادگهها فیدرال دێ بۆ ئێكلاكرنا سكالایا مستهفا سهند، ئهندامێ لژنهیا دارایى كۆمبیت كو سكالا ل دژى بریارا ژماره 333ێ یا جڤاتا وهزیرێن ئیراقێ بۆ خهرجكرنا 400 ملیار دیناران ژ ئالیێ وهزارهتا دارایى ڤه بۆ ههرێما كوردستانی هاتیه تۆماركرن و دیاركریه ژى سكالا ل سهرۆكوهزیرێن ئیراقێ هاتیهكرن.
ل گۆرى خشتهیێ دادگههێ ئێك شهمبێ 18-9-2023یێ دادگهها فیدرال دێ ل دۆر سكالایهكێ كۆمبیت كو تایبهته ب پابهندكرنا ههرێما كوردستانێ ب دانا پارهیێ فرۆشتنا كۆبوونێن خوارنێ كو ههر ژ 1-1-2004ێ تا 30-9-2021ێ نههاتینه رهوانهكرن.
سكالا ل سهر وهزیرێ بازرگانیا ههرێمێ، كهمال موسلم و نهوزاد كامل رێڤهبهرێ گشتى یێ بازرگانیا وێ وهزارهتێ هاتیه تۆماركرن.
سكالا داخوازا ڤهگهڕاندنا پارهیێ 18 سالان یێ فرۆشتنا كۆبوونێن ئاهێن خوارنێ دكهت، وهزارهتا بازرگانیا ههرێمێ ژى دبێژیت: سكالایێ چ ئهنجام نابن و دۆسیه هاتیه داخستن.