پۆتین دێ سه‌ره‌دانا تركیا كه‌ت
بەلاڤ بکە
گاڤ
ئاژانسا نووچه‌یێن ئنته‌رفاكس یا رۆسى راگه‌هاند، ڤان نێزیكان ڤلادیمیر پۆتین سه‌رۆكێ رۆسیا، دێ سه‌ره‌دانا تركیا كه‌ت.
ئنته‌رفاكس ژ زارێ به‌رپرسه‌كى ل كۆچكا سه‌رۆكاتیا رۆسیا كرملنێ به‌لاڤكر، پۆتین و سه‌رۆكی تركیا ئه‌ردۆگان رێككه‌فتینه، ڤان نێزیكان پۆتین سه‌ره‌دانا تركیا بكه‌ت.
شیره‌تكارێ سیاسه‌تا ده‌رڤه‌یا رۆسیا یوری ئوشاکۆڤ به‌لاڤكر، داخوازنامه‌یه‌ك ژ لایێ سه‌رۆكێ تركیا بۆ پۆتینى هه‌یه سه‌ره‌دانا تركیا بكه‌ت، گۆت ژى هه‌ردو لا رێككه‌فتینه ئه‌و سه‌ره‌دان ل پاشه‌رۆژه‌كا نێزیك بهێته كرن، لێ ده‌مێ سه‌ره‌دانێ نه‌هاتیه دیاركرن.
ئه‌گه‌ر سه‌ره‌دانا پۆتینى بهێته كرن، دێ بیته ئێكه‌م سه‌ره‌دان بۆ وه‌لاته‌كێ ئه‌ندامێ ناتۆیێ پشتى ده‌ستپێكرنا شه‌ڕێ رۆسیا و ئۆكراینا. هه‌ر چه‌نده فه‌رمانا گرتنێ ژلایێ دادگه‌ها تاوانێن نێڤده‌وله‌تى بۆ پۆتینى ده‌ركه‌فتى یه، لێ تركیا ئه‌ندام نینه د یاسایا رۆما دا كو دادگه‌ها تاوانێن نێڤده‌وله‌تى دروست كرى یه، ژبه‌ر ڤێ ئێكێ سه‌ره‌دانا پۆتینى بۆ تركیا چ مه‌ترسیان ل سه‌ر دروست ناكه‌ت.
