ریال مه‌درید پلانه‌كا نوى بۆ ڤه‌گوهاستنا ئێمباپێ دانا
بەلاڤ بکە
گاڤ
یانه‌یا ریال مه‌درید د بزاڤێن ڤه‌گوهاستنا كیلیان ئێمباپێ بۆ دناڤ رێزێن خۆ دا ل ڤێ هاڤینێ به‌رده‌وامه و پلانه‌كا نوى بۆ ڤێ چه‌ندێ دانایه ئه‌و ژى قه‌ڕكرنا پاره‌ى ژ بۆ كڕینا وى یاریكه‌رى یه.
گرێبه‌ستا ئێمباپێ ل گه‌ل پاریس سان جێرمان ل هاڤینا سالا 2024 ب دویماهیك دهێت و وى بڕیار دایه نوى كه‌ت له‌وا یانه‌یا فره‌نسى بزاڤێن فرۆشتنا وى د ڤێ هاڤینێ دا دكه‌ت ژ به‌رى ل هاڤینا سالا بهێت وه‌ك یاریكه‌ره‌كێ سه‌ربه‌ست رێزێن یانه‌یێ بێ به‌رانبه‌ر بهێلیت.
ل گۆره‌ى رۆژنامه‌یا موندۆ دێپۆرتیڤۆ یا ئسپانى؛ ره‌نگه سه‌رجه‌مێ تێچوویێن كڕینا ئێمباپێ ژ لایێ ریال مه‌درید ڤه د ڤێ هاڤینێ دا ل گه‌ل مووچه‌یێ وى بگه‌هنه پتر ژ 300 ملیۆن یۆرۆیان، له‌وا ریال مه‌درید داخوازا قه‌ڕه‌كێ ژ به‌نكا سانتاندێر كڕیه.
ئاشكرا ژى كریه؛ نه‌رێككه‌فتنه‌ك دناڤبه‌را ریال مه‌درید و ئێمباپێ دا ل دۆر مووچه‌یێ وى یێ سالانه هه‌یه، ئێمباپێ داخوازا 50 ملیۆن یۆرۆیان وه‌ك مووچه‌یێ سالانه دكه‌ت لێ ریال مه‌درید ل گه‌ل دانا 40 ملیۆن یۆرۆیان وه‌ك مووچه‌یێ ئێمباپێ یه.
هه‌روه‌سا ئێمباپێ داخوازا پاداشته‌كێ ئیمزاكرنێ یێ مه‌زن كو دگه‌هیته 100 ملیۆن یۆرۆیان ژ ریال مه‌درید ژ بۆ قه‌ره‌بووكرنا پاره‌یێن ئه‌و دێ ژ به‌ر هێلانا رێزێن پاریس سان جێرمان ژده‌ستده‌ت، كریه.
