پشتى دو دۆڕانێن ل دویڤ ئێك، د دو یاریێن ئێكێ یێن وه‌رزێ نوى یێ خولا سعودیێ دا، یانه‌یا نه‌سر سه‌ركه‌فتنه‌كا مه‌زن بده‌ستڤه‌ئینا و ئێكه‌م سی خال كۆمكرن.

د گه‌ڕا سێیه‌م یا خولێ دا، نه‌سر ژ ده‌رڤه‌ى یاریگه‌ها خۆ بوو مێهڤانا یانه‌یا فه‌تح و ب پێنج گۆلێن بێ به‌رانبه‌ر ژێبر كو دتێدا كریستیانۆ رۆنالدو ئاسته‌كێ بلند نیشاندا و ئێكه‌م هاتریكا خۆ د خولا سعودیێ دا تۆماركر. 

د خوله‌كا 27ێ دا سادیۆ مانێ گۆلا ئێكێ یا نه‌سر تۆماركر، د خوله‌كا ب دویڤدا، رۆنالدۆى گۆلا دووێ تۆماركر كو گۆلا وى یا ئێكێ یا ڤى وه‌رزى بوو، ل خۆله‌كا 55ێ ۆرنالدۆى گۆلا دووێ تۆماركر.

9 خوله‌كان به‌رى یارى ب دویماهى بهێت، مانێ گۆلا خۆ یا دووێ تۆماركر، ل خوله‌كا 6ێ یا ده‌مێ زێده‌كرى ژى رۆنالدۆى گولا پێنجێ یا یانه‌یا نه‌سر تۆماكر كو ئێكه‌م هاتریكا وى یه‌ د خولا سعودیێ دا.