سوبه‌هى دێ هه‌وا ڤاكسیندانانێ دژى نه‌خۆشییا سۆركان ل هه‌رێما كوردستانێ و ئیراقێ ده‌ستپێكه‌ت
04/13/2024 - 20:20
بەلاڤ بکە
گاڤ
سوبه‌هى ئێكشه‌مبیێ دێ هه‌وا ڤاكسیندانانێ دژى نه‌خۆشییا سۆركان ل هه‌رێما كوردستانێ و سه‌رانسه‌رى ئیراقێ ده‌ستپێكه‌ت.
سه‌یف به‌در په‌یڤدارێ وه‌زاره‌تا ساخله‌میێ یا ئیراقێ د به‌یانه‌كێ دا راگه‌هاند "هه‌ر ژ سوبه‌هى ئێكشه‌مبیێ 14ى نیسانێ ب پشكدارییا پتر ژ 9 هزار تیمێن ڤاكسیندانانێ، هه‌وا ڤاكسیندانانێ دژى نه‌خۆشییا سۆركان دێ ده‌ستپێكه‌ت و بۆ ده‌هـ رۆژێن دروست به‌رده‌وام بیت".
دیار ژى كر "د هه‌وێ دا، دێ ڤاكسین بۆ پتر ژ 7 ملیۆن زارۆكێن قۆتابخانه‌یێن بنه‌ره‌تى و باخچه‌یێن زارۆكان هێنه دانان، ئه‌ڤ هه‌وه پتر ژ 23 هزار قۆتابخانه‌یێن بنه‌ره‌تى ب خۆڤه دگریت".
ناڤهاتى دیار ژى كر كو به‌رهه‌ڤى بۆ ڤێ هه‌وێ ته‌مامبووینه و داخواز ژ ده‌یكوبابێن زارۆكان كر د هه‌ڤكار بن ل گه‌ل تیمێن ڤاكسیندانانێ ژ بۆ پاراستنا زارۆكێن وان ژ نه‌خۆشییا سۆركان.
