سوودانى: رێككهفتنا چارچووڤهیێ ستراتیژى نهخشهرێكهكه ژ بۆ پێشڤهبرنا پهیوهندیێن ئیراقێ و ئهمریكا
گاڤ
سهرۆكوهزیرێ ئیراقێ ژ واشنتۆنێ راگههاند؛ رێككهفتنا چارچووڤهیێ ستراتیژى نهخشهرێكهكه ژ بۆ پێشڤهبرنا پهیوهندیێن پاشهرۆژێ دناڤبهرا ئیراقێ و ئهمریكا دا.
محهمهد شیاع سوودانى سهرۆكوهزیرێ ئیراقێ ئهڤرۆ دوشهمبیێ ل گهل ئهنتۆنى بلینكن وهزیرێ دهرڤه یێ ئهمریكا ل واشنتۆن كۆمبوو و ژڤانه ل گهل جۆ بایدن سهرۆكێ ئهمریكا ژى كۆمببیت.
ل گۆرهى بهیانهكا ئۆفیسا سهرۆكوهزیرێ ئیراقێ "د دیدارهكێ دا بهحس ل پهیوهندیێن ههڤپشك یێن درێژخایهن، كاراكرنا رێككهفتنا چارچووڤهیێ ستراتیژى و لژنهیا ههماههنگیێ یا ههڤپشك یا بلند دناڤبهرا ههردو وهلاتان دا هاته كرن".
بهیانێ دیار ژى كریه "ژمارهیهكا بابهتێن ئابوورى و دهلیڤهیێن وهبهرهێنانێ بۆ كۆمپانیێن ئهمریكى و ب تایبهت د بوارێن وزهیێ دا و دهلیڤهیا بهرفرههكرنا ههڤپشكیێ ل گهل كهرتێ تایبهت یێ ئیراقێ و ههڤكاریكرن د بوارێن جودا جودا یێن د بهرژهوهندییا ههردو وهلاتان دا هاتنه بهحسكرن".
سوودانى دوپاتكر "رێككهفتنا چارچووڤهیێ ستراتیژى نهخشهرێكهكه ژ بۆ پێشڤهبرنا پهیوهندیێن پاشهرۆژێ دناڤبهرا ئیراقێ و ئهمریكا دا".
بلینكن ژ لایێ خۆڤه پێشوازى ل سهرهدانا سوودانى كر و دیاركر "ئهمریكا پشتهڤانیێ ل ئیراقهكا ب هێز و دیمۆكراسى دكهت ههروهسا پشتهڤانیێ ل گاڤێن ئیراقێ بۆ گهشهپێدانێ و چاكسازیێ زێدهبارى پێشڤهبرنا كهرتێ وزهیێ و ژێرخانهیێ دكهت"، وهكى بهیانا ئۆفیسا سوودانى دیاركرى.