سودانى بڕيارا دامه‌زراندنا ده‌سته‌يا بلند يا به‌رسينگگرتنا گه‌نده‌ليێ دا
11/16/2022 - 22:20
بەلاڤ بکە
گاڤ نيوز
سه‌رۆكوه‌زيرێ ئيراقێ ده‌سته‌يه‌كا نوى بۆ به‌رسينگگرتنا گه‌نده‌ليێ و ده‌سته‌سه‌ركرنا كه‌سێن تۆمه‌تبار ب گه‌نده‌ليێن مه‌زن و دزينا سامانێ گشتى پێكئينا.
د به‌يانه‌كا ئۆفيسا راگه‌هاندنێ يا محه‌مه‌د شياع سودانى دا هاتيه؛ ب فه‌رمانا سه‌رۆكوه‌زيرێ ئيراقێ ”ده‌سته‌يا بلند يا به‌رسينگگرتنا گه‌نده‌ليێ” كو گرێداى ده‌سته‌يا ده‌ستپاكيێ يه هاته پێكئينان.
تێدا هاتيه ژى؛ دامه‌زراندنا ڤێ ده‌سته‌يێ ژ بۆ ده‌ربازكرنا وان ئاسته‌نگێن ب رێكێن به‌رێ يێن به‌رسينگگرتنا گه‌نده‌ليێ په‌يدابووين، ڤه‌دگه‌ڕيت.
ديار ژى كريه؛ ئارمانج ژ پێكئينانا ڤێ ده‌سته‌يێ ب له‌زكرنا رێكارێن به‌رسينگگرتنا دوسيه‌يێن مه‌زن يێن گه‌نده‌ليێ و ده‌سته‌سه‌ركرنا كه‌سێن تۆمه‌تبار ب گه‌نده‌ليێ و دزينا سامانێ گشتى يه.
