ترامپ ژ بۆ به‌رهه‌ڤبوونێ ل دادگه‌هێ گه‌هشته نیویۆرك
04/03/2023 - 23:09
بەلاڤ بکە
گاڤ
فرۆكه‌یا سه‌رۆكێ به‌رێ یێ ئه‌مریكا گه‌هشته فرۆكه‌خانه‌یا لاگواردیا ل نیویۆرك و ژڤانه سوبه‌هى سێشه‌مبیێ ل هه‌مبه‌ر دادگه‌هێ ئاماده بیت.
دۆنالد ترامپ سوبه‌هى دێ ل دادگه‌هێ ل مانهاتن ئاماده بیت و لیسته‌یا تۆمه‌تباركرنێ یا پتر ژ 30 تۆمه‌تان ل دۆر سه‌ردابرنا بازرگانى دێ ئاراسته‌ى وى هێته كرن.
ئاژانسا CNN به‌لاڤكریه؛ ترامپ گه‌هشته نیویۆرك و دێ ئه‌ڤ شه‌ڤه ل بورجێ ب ناڤێ وى ”ترامپ” بۆرینیت.
دیار ژى كریه؛ ده‌زگه‌هێ خزمه‌تا نهێنى دێ ل پشتى نیڤرۆیا سوبه‌هى سێشه‌مبیێ ل گه‌ل ترامپى به‌ره‌ڤ ئۆفیسا داخوازكه‌رێ گشتى ڤه چیت كو دكه‌ڤیته هه‌مان ئاڤاهیێ دادگه‌هێ.
دهێته چاڤه‌رێكرن كو دۆنالد ترامپ پشتى ب دویماهیك هاتنا به‌رهه‌ڤبوونێ ل دادگه‌هێ به‌ره‌ڤ فلۆریدا ڤه بچیت كو ژڤانه گۆتاره‌كێ ل ئێڤارى پێشكێش بكه‌ت.
