جڤاتا وهزارى یا ئابۆرى یا ئیراقێ دێ كۆمبوونهكا خۆ ل ههرێما كوردستانێ كهت
گاڤ
وەزیرێ پیشەسازی و کانزایان یێ ئیراقێ ئەڤرۆ راگەهاند کو جڤاتا وهزارى یا ئابۆرى یا ئیراقێ دخوازیت کۆمبوونەکا خۆ ل هەرێما کوردستانێ بکەت.
وەزارەتا پیشەسازی و کانزایان یا ئیراقێ د بەیانەکێ دا راگەهاند؛ خالد بەتال نەجم ئەڤرۆ ل گەل کەمال موسلم، وەزیرێ پیشەسازی و بازرگانی یێ هەرێما کوردستانێ کۆم بوویە و ژمارەکا بابەتێن کەرتێ پێشەسازی بەحس کرن.
هەروەسا دا زانین، هەردو ئالیان دانوستاندن دەربارەی چارەکرنا رێگریێن ل هەمبەری پرۆسەیا پیشەسازیێ و بابەتێن هەلاویستی یێن تایبەت ب تۆمارکرنا مارکەیێن بازرگانی و پرۆژەیێن گەشەپێدانا پیشەسازی، هەروەسا پاراستنا بەرهەمێن ناڤخۆ، باج و لێخۆشبوونێن گۆمرکێ کرن.
وەزیرێ ئیراقێ راگەهاند؛ پێدڤیە چارەسەریێن بلەز بۆ وان کێشەیان بهێنە دیتن، تایبەت یێن گرێدایی دانا موولەتا دانانا پرۆژەیێن پیشەسازی ب رێکا رێڤەبەریێن گشتی یێن گەشەپێدانا پیشەسازی ڤە و هەبوونا هەماهەنگیێ د ناڤبەرا بەغدا و هەولێرێ دەربارەی ڤان بابەتان.
خالد بەتال نەجم گۆت ژی: پێدڤیە هندەک یاسایێن پەرلەمانێ بهێنە گوهۆڕین ل گۆرەی پێدڤیێن نوکە و خزمەتکرنا گشتی، هەروەسا پێدڤیە لژنەیەکا هەڤپشک بهێتە پێکئینان بۆ چارەکرنا وان بابەتان. وەزیری ئیراقی دیار ژی کر کو پێدڤیە کۆمبوونەکا جڤاتا وەزاری یا ئابۆری ل هەرێما کوردستانێ بهێتە کرن و دانوستاندن و سەرەدان ژی د بەردەوام بن.
ژ ئالیێ خۆڤە ژی وەزیرێ هەرێما کوردستانێ بەرهەڤی و هەماهەنگیا هەرێما کوردستانێ ب رێکا تیمەکا هەڤپشک ژبۆ چارەکرنا بابەتێن هەلاویستی دیار کر.