گاڤ

سەرۆکێ بەرێ یێ ئەمریکا د چارچووڤێ بانگەشەیا خۆ یا هەلبژارتنان دا دوپات کر کو ئەو چاڤێ سەرکەفتنا وەلاتەکێ بەرێ خۆ نادەتە کەیسا شەرێ ئۆکراینا و رۆسیا و چاڤی وی ل راگرتنا شەری یە.

دۆنالد ترامپ ل هەمبەری پشتەڤانێن خۆ ل ویلایەتا نیۆ هامشێڕ گۆت: خەلک ل هەردو وەلاتان یێ دهێنە کوشتن و پێدڤە ئەو شەرە بهێتە راوەستاندن، هەروەسا دوپات کر کو ب رێکا دەستهەلاتا سەرۆکاتیێ ئەو دشێت د 24 دەمژمێران دا وی شەری راوەستینیت.

ترامپی ئاشکرا کو ئەگەر ئەو ببیتە سەرۆک دێ راستەوخۆ دانوستاندنان ل گەل سەرۆکێن هەردو وەلاتان دەستپێکەت و د هەمان رۆژ دا دێ وی شەری راوەستینیت.

دەربارەی ڤلادیمێر پۆتین و ناسناڤێ تاوانبارێ شەری ژی گۆت: ئەو ب وی ناڤی گازی پۆتینی ناکەت، لێ پۆتینی شاشی کریە دەمێ شەرێ گەهاندیە ئۆکراینا و ئەگەر ئەو سەرۆک بوو، وی رێک نەدا رۆسیا بچیتە ئۆکراینا.