د. فوئاد حسێن: رێككه‌فتن ل سه‌ر بڕگه‌یا 7 ژ مادده‌یا 14 هاته كرن
بەلاڤ بکە
گاڤ
وه‌زیرێ ده‌رڤه یێ ئیراقێ راگه‌هاند كو رێككه‌فتن ل سه‌ر بڕگه‌یا 7 ژ مادده‌یا 14 ژ پرۆژه‌یاسایا بودجه‌یا ئیراقێ یا گرێداى هه‌رێما كوردستانێ هاته كرن.
د. فوئاد حسێن به‌رى ده‌مه‌كێ كێم راگه‌هاند؛ رێككه‌فتن ل سه‌ر بڕگه‌یا 7 ژ مادده‌یا 14 یا پرۆژه‌یاسایا بودجه‌یا ئیراقێ هاته كرن.
ل گۆره‌ى وێ بڕگه‌یێ "ل ده‌مێ په‌یدابوونا هه‌ر جوداهیه‌كا بۆچوونان دناڤبه‌را حكومه‌تێن هه‌رێمێ و یا فیدرالى دا ل دۆر ماف و ئه‌ركێن یاسایا بودجه‌یێ، دێ لژنه‌یه‌كا هه‌ڤپشك ژ هه‌ردو لایه‌نان بۆ چاره‌كرنا كێشه‌یێ هێته پێكئینان و د ده‌مێ 30 رۆژان دا ژ ده‌مێ پێكئینانا وێ دێ راسپارده‌یا خۆ پێشكێشى سه‌رۆكوه‌زیرێ ئیراقێ بۆ دانا بڕیارا پێدڤى هنێریت".
ژ به‌رى نوكه، په‌رله‌مانتار خالد رێكانى بۆ گاڤ دیاركربوو كو رێككه‌فتن ل سه‌ر مادده‌یا 14 ژ بودجه‌ى هاتیه كرن.
ئه‌ڤه د ده‌مه‌كێ دایه كو په‌رله‌مانێ ئیراقى به‌رى نوكه مادده‌یێن 12 و 13 یێن گرێداى هه‌رێما كوردستانێ په‌سه‌ندكربوون.
